Дар ноҳия 105 адад иншооти варзишӣ мавҷуд буда, фаъолияти онҳо асосан дар назди муассисаҳои таълимии ноҳия ба роҳ монда шудааст. Дар иншоотҳои мазкур мусобиқаҳои гуногуни варзишӣ баҳри солимии наврасону ҷавонон дар сатҳи маҳал, Ҷамоат ва ноҳия баргузор карда мешаванд. Дар толори варзишии назди муассисаҳои таълимии ноҳия машқҳои варзишӣ аз рӯи соатҳои дарсӣ дар байни хонандагон аз ҷониби омӯзгорони соҳибихтисос гузаронида мешавад.

Алҳол дар ноҳия 1 адад Муассисаи давлатии мактаби варзишии ба номи Б.Холов фаъолият дорад. Дар Муассисаи давлатии мактаби варзишии ба номи Б.Холови ноҳия 41 гурӯҳ амал менамоянд, ки аз инҳо 21 гурӯҳҳои тайёрии ибтидоӣ ва 20 гурӯҳҳои машқӣ-варзишӣ мебошанд. Ҳамаи гурӯҳҳо бо Низомномаи мактаби варзишӣ мутобиқ гардонида шудааст. Дар Муассисаи давлатии мактаби варзишии ба номи Б.Холови ноҳия аз рӯи намудҳои футбол, волейбол, каратэ-кёкушинкай, каратэ-до-годзюрю, гӯштини дзюдо, гӯштини тарзи озод, варзиши сабук, тенниси рӯи миз, шоҳмот ва айкидои муҳорибавӣ, машғулиятҳо баргузор мегарданд.