Мақомоти иҷроияи ҳокимияти давлатии ноҳияи Деваштич

Субҳи 16 ноябри соли 2025 ба ифтихори Рӯзи Президент ва 33-юмин солгарди Иҷлосияи XVI Шӯрои Олии Ҷумҳурии Тоҷикистон дар маркази ноҳия – шаҳраки Ғончӣ роҳпаймоии ҷашнӣ бо иштироки кормандони касбу кори гуногун, сокинону фаъолони ноҳия, хонандагони муассисаҳои таълимии ноҳия бо шиору овезаҳои саршор аз муҳаббату самимият нисбат ба фарзанди фарзонаи миллат ва бо нишони арҷгузорӣ ба хизматҳои шоёни Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар назди халқу миллат роҳпаймоӣ намуданд. Дар роҳпаймоии ҷашнӣ Раиси ноҳия Ашуралӣ Ҷалилзода, намондаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Бахтиёр Исматзода ширкат варзида, ҳозиринро бо Рӯзи Президент ва 33 – солагии Иҷлосияи XVI Шӯрои Олии Ҷумҳурии Тоҷикистон шодбош гуфтанд. Зикр гардид, ки рӯзи 16 ноябр ҷашн гирифтани Рӯзи Президенти Ҷумҳурии Тоҷикистон амри воқеӣ буда, соли 1992 дар ин рӯз Иҷлосияи XVI Шӯрои Олии Ҷумҳурии Тоҷикистон дар шаҳри бостонии Хуҷанд ба кори худ оғоз карда, дар назди вакилони халқ масъалаи ҳалли мусолиҳатомези муноқишаҳои сиёсии тарафҳои даргирро пеш гузошт. Бо баргузории ин Иҷлосия дар таърихи ташаккулёбии ниҳоди сарварӣ марҳилаи нав оғоз гардид. Бо гузашти зиёда аз 33 сол аз рӯзи баргузории ин иҷлосия ва арзёбии дигаргуниҳои куллии дар Тоҷикистон ба вуқуъомада метавон хулоса…

16 ноябр дар Қасри фарҳанги ба номи Абӯабдуллоҳи Рӯдакӣ бо иштироки Раиси ноҳия Ашуралӣ Ҷалилзода, намондаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Бахтиёр Исматзода, муовинони Раиси ноҳия, роҳбари дастгоҳи Раиси ноҳия, роҳбарони мақомотҳои ҳифзи ҳуқуқ, роҳбарони ташкилоту идораҳо, фаъолону ҷавонон бахшида ба Рўзи Президенти Ҷумҳурии Тоҷикистон ҷамъомади тантанавӣ баргузор гардид. Раиси ноҳияи Деваштич зимни иштирок ва суханронӣ дар ҷамъомад сокинони ноҳияро ба ин ҷашни ҳумоюнӣ ва ормонии миллати тоҷик табрик намуд. Қайд карда шуд, ки Рўзи Президенти Ҷумҳурии Тоҷикистон ҳамчун санаи муҳим дар таърихи давлатдории навини тоҷикон ва санаи муҳими тақвими ҷашну маросимҳои миллӣ эътироф гардида, нишони арҷгузориву эҳтиром ба заҳматҳои беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар масири таҳкими пояҳои давлатдории навини кишвар, эҳёи давлати миллӣ, таъмини истиқрори сулҳ, пешравиҳои назарраси мамлакат ва баланд бардоштани нуфузу эътибори Тоҷикистони соҳибистиқлол дар арсаи байналмилалӣ маҳсуб меёбад. Президенти мамлакат ҳамчун ҳомии Конститутсия ва қонунҳо, ҳуқуқу озодиҳои инсон ва шаҳрванд рисолати таърихии худро дар назди Ватан, миллат ва таърих бо сидқу сарбаландӣ ва тамоми вуҷуди хеш ба ҷой оварда истодаанд. -Таҳти роҳбарии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мўҳлати кўтоҳтарин мактаби давлатдории миллии тоҷикон…

Ҳамватанони азиз! Бо камоли эҳтиром фарорасии Рӯзи Президенти Ҷумҳурии Тоҷикистонро ба кулли ҳамватанони азиз, бахусус сокинони сарбаланди ноҳияи Деваштич табрику таҳният мегўям. Дар Рӯзи Президенти Ҷумҳурии Тоҷикистон, ки ҳамасола 16 ноябр ба гиромидошти хизматҳои шоистаи Сарвари муаззами давлат – меъмори сулҳу ваҳдат ва ҳомии Истиқлолу якпорчагии мамлакат, таҷлил мегардад, тоҷику тоҷикистониён меҳру муҳаббату садоқати бепоёни худро ба Пешвои миллат муҳтарам Эмомалӣ Раҳмон арз медоранд. Боиси фараҳмандист, ки имрӯз мардуми шарифи Тоҷикистон дар фазои сулҳу субот ва ваҳдати комили миллӣ зиндагӣ карда, шоҳиди пешрафтҳои зиёди диёри маҳбубамон дар соҳаҳои иқтисоду тиҷорат, саноату кишоварзӣ, илму маориф, фарҳангу маънавиёт мегарданд. Тамоми дастовардҳо ва неъматҳое, ки дорем, ба шарофати татбиқи сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадаву таҳти роҳбарии ин фарзанди фарзонаи миллат кишварамон ба рушду шукуфоӣ расидааст. Дар ҳақиқат, Пешвои муаззами миллат бо нерӯи фавқулода, истеъдоди нодири давлатдорӣ, роҳнамоии хирадмандона, кору пайкори ҷавонмардона, иқдому амалҳои ибратбахши созандаю омӯзанда ва хизматҳои беназир Тоҷикистони тозаистиқлолро ба давлати пешрафта ва шукуфон табдил доданд. Хизматҳои беназири Президенти Ҷумҳурии Тоҷикистон муҳтарам Эмомалӣ Раҳмон дар роҳи барпо кардани ваҳдати миллӣ, пойдор ва устувор намудани пояҳои давлатдории миллӣ, ҳифзи тамомияти арзӣ ва таъмини ягонагии халқи Тоҷикистон ниҳоят бузург буда,…

6 ноябр дар майдони Парчами давлатии Ҷумҳурии Тоҷикистон дар шаҳраки Ғончӣ ба муносибати Рӯзи Конститутсияи Ҷумҳурии Тоҷикистон маросими савгандёдкунии наваскарон баргузор гардид. Дар маросими савгандёдкунӣ ҷавононе, ки дар даъвати тирамоҳӣ ба сафи Қувваҳои Мусаллаҳи Ҷумҳурии Тоҷикистон пайвастанд ва а дар қисмҳои низомию сарҳадӣ дар ноҳиябуда хизматро оғоз намудаанд, иштирок карда, ваъда доданд, ки барои ҳифзи марзу бум, пойдории сулҳу субот саҳм мегузоранд ва ба халқу Ватан садоқатмандона хизмат менамоянд. Дар чорабинӣ Раиси ноҳияи Деваштич Ашуралӣ Ҷалилзода иштирок ва суханронӣ намуда, ҳозиринро бо Рӯзи Конститутсияи Ҷумҳурии Тоҷикистон табрик гуфта, ба наваскарон ҷиҳати иҷрои қарзи фарзандиву шаҳрвандӣ комёбиҳо орзу кард. Таъкид гардид, ки савганди ҳарбӣ баёнгари садоқат ба Ватану миллат, ба халқи шарифи кишвар ва ба арзишҳои муқаддаси Ватани азизамон Тоҷикистони соҳибистиқлол ба ҳисоб меравад. Гуфта шуд, ки Қувваҳои Мусаллаҳи Ҷумҳурии Тоҷикистон бо истифода аз сабақу корномаҳои гузаштагони некноми хеш ба хотири ҳимояи марзу буми кишвар ва таъмини зиндагии орому осоиштаи сокинони он содиқонаву ҷавонмардона хизмат карда истодаанд. Изҳори боварӣ карда шуд, ки наваскарон хизмати садоқатмандонаю бошарафона дар бунёди ҷомеаи демократӣ, ҳуқуқбунёд ва дунявӣ нақш гузошта, дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сарбаландона иҷро мекунанд ва арзишҳои Ватани азизамонро бошарафона ҳимоя менамоянд. Ёдовар…

Бегоҳии рӯзи 5 ноябр дар маҷлисгоҳи Кумитаи иҷроияро Ҳизби Халқии Демократии Тоҷикистон дар ноҳияи Деваштич бо иштироки муовини Раиси вилояти Суғд, Раиси комиссияи даъвати вилоятӣ Ҷуразода Ҷамшед Ҳабибулло, Раиси ноҳияи Деваштич Ашуралӣ Ҷалилзода, роҳбарони мақомоти ҳифзи ҳуқуқ, кормандони мақомоти иҷрои ҳокимияти давлатии ноҳия, раисони ҷамоатҳои шаҳраку деҳот, кормандони комиссариати ҳарбии ноҳия, намояндагони соҳаи тандурустӣ, маориф, дин, танзими анъана ва ҷашну маросим ва дигар шахсони масъул маҷлиси васеи Ситоди ноҳиявӣ оид ба омодагиҳо ба даъвати тирамоҳии наваскарон ба сафи Қувваҳои мусаллаҳи Ҷумҳурии Тоҷикистон доир гардид. Ҷаласаро Раиси ноҳияи Деваштич Ашуралӣ Ҷалилзода ифтитоҳ намуда, таъкид кард, ки мавсими даъват ба сафи Қувваҳои мусаллаҳ аз чорабиниҳои муҳими сиёсию ташкилӣ маҳсуб ёфта, барои саривақт иҷро кардани нақшаи пешбинишуда, ҷалби ҷавонон ба адои хизмати ҳарбӣ, ба роҳ мондани корҳои тарғиботиву ташвиқотӣ, баланд бардоштани ҳисси ватандӯстиву ватанпарастии ҷавонон, дар руҳияи худшиносию худогоҳӣ тарбия кардани онҳо аз ҳар яки дар толор ҳузурдоштагон вобастагӣ дорад. Дар идома, барои таҳлили иҷрои нақшаи даъвати тирамоҳӣ гузориши комиссари ноҳия, подполковник Фирдавс Шарифзода шунида шуданд. Зимни муҳокимаи масъала аз ҷониби муовини Раиси вилояти Суғд, Раиси комиссияи даъвати вилоятӣ Ҷамшед Ҷуразода аз роҳбарияти комиссариати ҳарбӣ, ҳайати комиссияи тиббӣ, раисон ва масъулини мизҳои ҳарбии ҷамоатҳои шаҳраку деҳот, кумитаҳои маҳалла пурсиш ба амал оварда шуда,…

5 ноябри соли 2025 дар Қасри фарҳанги ба номи Абӯабдуллоҳ Рӯдакии маркази ноҳия ба ифтихори 31-солагии қабули Конститутсияи Ҷумҳурии Тоҷикистон ҷамъомади тантанавӣ баргузор гардид. Дар ҷамъомади тантанавӣ Раиси ноҳияи Деваштич Ашуралӣ Ҷалилзода ва намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Бахтиёр Исматзода, муовинони Раиси ноҳия, роҳбари дастгоҳи Раиси ноҳия, мудирони шуъбаю бахшҳои мақомоти иҷроияи ҳокимияти давлатии ноҳия, роҳбарони мақомотҳои ҳифзи ҳуқуқ, раисони Ҷамоатҳо шаҳраку деҳот ноҳия, роҳбарони корхонаю ташкилотҳо, иштирокчиёни сохти конститутсионӣ, собиқадорон меҳнат, фаъолон ва ҷавонони ноҳия иштирок намуд. Ҷамъомади тантанавӣ ба толор ворид гардидани Парчами давлатии Ҷумҳурии Тоҷикистон ва садо додани Суруди миллӣ оғоз гардид. Сараввал Раиси ноҳияи Деваштич Ашуралӣ Ҷалилзода низ ҳозирин ва ҳамаи сокинони ноҳияро ба муносибати 31-солагии Рўзи Конститутсияи Ҷумҳурии Тоҷикистон самимона муборакбод гуфта, ба ҳамагон саодати рўзгор, барори кор ва осмони софу фазои беғуборро таманно намуд. Таъкид карда шуд, ки Конститутсияи Ҷумҳурии Тоҷикистон, ки қабули он тавассути кўшишҳои собитқадамонаву ҳадафмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар айни ташаннуҷи авзои ҷомеаи байналхалқӣ ва вазъияти душвори оғози соҳибистиқлолӣ 6 ноябри соли 1994 сурат гирифт, қабл аз ҳама, тамомияти арзӣ, тағйирнопазирии на танҳо шакли идора, балки моҳияти аслии давлати тозабунёди тоҷиконро…

  Ҳамдиёрони азиз!  Фарорасии Рӯзи Конститутсияи Ҷумҳурии Тоҷикистонро, ки соҳибихтиёрӣ, истиқлолият ва тамомияти арзии кишварамонро таъмин намуда, кафили баробарҳуқуқии шахс, озодӣ, дӯстии тамоми халқу миллатҳо мебошад, ба кулли сокинони шарафманди ноҳия табрику муборакбод гуфта, ба ҳамагон хотири ҷамъ, саломатии комил, хонаободӣ ва дастоварду комёбиҳои бепоён таманно менамоям. Ин санади муҳими тақдирсози миллат 6-уми ноябри соли 1994  дар марҳилаи душвор ва барои миллат тақдирсоз бо роҳи раъйпурсии умумихалқӣ қабул гардида, имконият фароҳам овард, ки дар ҷумҳурӣ сулҳу субот барқарор шуда, волоияти қонуну тартиботи ҳуқуқӣ ҳукмрон ва барои рушди соҳаҳои иқтисодиёт, иҷтимоиёт  ва фарҳангу маънавиёт шароити мусоид ба вуҷуд оварда шавад. Конститутсия тавонист ифодагари манфиатҳои халқи тоҷик бошад, омоли меҳнаткашонро инъикос намояд, тоҷиконро дар арсаи олам муаррифӣ бисозад ва он барои сулҳу салоҳ ва ба ваҳдати комил расидани тоҷикон нақши муҳим бозид. Ин ҳуҷҷати тақдирсоз аз ҷониби коршиносони байналхалқӣ яке аз Конститутсияи беҳтарину мардумтарини давлатҳои Созмони амният ва ҳамкорӣ дар Аврупо номбар гардидааст. Дар Конститутсияи Ҷумҳурии Тоҷикистони соҳибистиқлол инсон ва ҳуқуқу озодиҳои ӯ арзиши олӣ эътироф гардида, мақсаду вазифаҳо, асосҳои сохти давлатдорӣ, рамзҳои давлатӣ, ҳудуди кишвар, муносибат ба моликият, самтҳои сиёсати дохилӣ ва хориҷии кишвар ба таври равшан нишон дода шудааст. Аз ин лиҳоз, ҳамасола ҷашн гирифтани ин санаи муҳим эҳтирому арҷгузорӣ ба…

Ҳамасола дар қаламрави ҷумҳурӣ 26 октябр ҳамчуни Рӯзи касбии кормандони мақомоти судӣ қайд карда мешавад. Ба ин муносибат дар толори хурди мақомоти иҷроияи ҳокимияти давлатии ноҳияи Деваштич ҷамъомад баргузор гардид. Дар он Раиси ноҳия Ашуралӣ Ҷалилзода кулли кормандони мақомоти судиро бо иди касбиашон табрику муборакбод намуда ба ҳамаи онҳо сиҳативу саломатӣ, умри дарози бобаракат, хушбахтии оилавӣ ва дар фаъолияти пурмасъулу бошараф барору комёбӣ таманно намуданд. Раиси ноҳия қайд намуд, ки мақомоти судӣ яке аз ниҳодҳои муҳими давлатдорӣ мебошад, ки фаъолияти онҳо ба ҳифзи арзишҳои ҷомеаи демократӣ, таъмини адолати судӣ, ҳуқуқу озодиҳои инсон ва шаҳрванд равона гардидааст. Таъкид карда шуд, ки Истиқлоли давлатии Ҷумҳурии Тоҷикистон барои ташаккули фаъолияти мақомоти судӣ дар ҷумҳурӣ, аз ҷумла дар ноҳия заминаи мусоид фароҳам овард. Дар ин давра барои рушду таҳкими мақомоти судӣ якчанд барномаи ислоҳоти судиву ҳуқуқӣ қабул карда шуд. “Бояд қайд намуд, ки мақомоти судӣ дар мамлакат яке аз қисматҳои муҳими давлатдорӣ ба ҳисоб рафта, ба зиммаи кормандони он рисолати таъмини адолати судӣ вогузор шудааст ва онҳо ин рисолатро бо камоли масъулиятшиносӣ ба ҷо меоранд ва бо таъкиди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар бунёди ҷомеаи ҳуқуқбунёди мутамаддин саҳми сазовор мегузоранд”, – иброз дошт Раиси ноҳия….

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар деҳаи Нурободи Ҷамоати деҳоти Муҷун зиёда аз 5 км роҳи маҳаллӣ мумфарш гардид. Сокинони деҳаи Нуробод бо иҷрои корҳои ободонӣ тасмим доранд, ки ҷашнҳои милливу давлатиро дар сатҳи баланд истиқбол намоянд. Сокинон имрӯзҳо ба таври оммавӣ кӯчаву маконҳои умумиро тозаву озода намуда, барои ободонии маҳалли зист аҳлона меҳнат менамоянд. Раиси ноҳияи Деваштич Ашуралӣ Ҷалилзода зимни иштирок дар маросими ифтитоҳи роҳи маҳаллӣ ва суҳбат бо сокинони деҳаи Нуробод таъкид кард, ки имрӯзҳо бо дастгириву роҳнамоиҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саросари мамлакатамон бунёдкориҳо ҷараён дошта, мардум баҳри истиқболи сазовори ҷашни миллӣ ҳаматарафа омодагӣ мебинанд.​ Чуноне зикр гардид, барои таҷлили шоистаи ҷашни таърихӣ тибқи нақшаи чорабиниҳои тасдиқшуда дар Ҷамоатҳои шаҳраку деҳоти ноҳия 585-бандро ташкил медиҳад, ки аз он 2 банд аз ҳисоби маблағҳои ҷумҳуриявӣ, 5 банд вилоятӣ, 9 банд ноҳиявӣ, 42 банд бо ҷалби ташкилотҳои хориҷӣ, 42 банд хоҷагии деҳқонӣ, 485 банд аз ҳисоби соҳибкорони маҳаллӣ мебошанд. Қайд гардид, ки дар 9 моҳи соли ҷорӣ дар ноҳия наздик 50 км роҳи ҳудуди ноҳия мумфарш карда шуд. Сокинон аз таваҷҷуҳи доимии Ҳукумати мамлакат нисбат ба рушди ноҳияи Деваштич, аз ҷумла Ҷамоати…

  14 октябри соли 2025 дар толори калони мақомоти иҷроияи ҳокимияти давлатии ноҳия маҷлиси фаъолон оид ба ҷамъбасти натиҷаҳои рушди иқтисодию иҷтимоии ноҳия дар нӯҳ моҳи соли 2025 баргузор гардид.   Ҷаласа таҳти раёсати Раиси ноҳияи Деваштич Ашуралӣ Ҷалилзода ва бо иштироки намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Бахтиёр Исматзода, ҳамчунин муовини якуми Раиси ноҳия, муовинони Раиси ноҳия ва роҳбари дастгоҳи Раиси ноҳия, роҳбарон ва намояндагони мақомоти ҳифзи ҳуқуқ, мудирони шӯъбаю бахшҳои мақомоти иҷроияи ҳокимияти давлатии ноҳия, раисони Ҷамоатҳои шаҳраку деҳоти ноҳия, роҳбарони корхонаву ташкилот, роҳбарони муассисаҳои таълимию тандурустӣ, раисони Шурои маҳаллаҳо, раисони хоҷагиҳои деҳқони калонхаҷм ва имомхатибон иштирок доштанд.   Раиси ноҳия Ашуралӣ Ҷалилзода ҷаласаро ифтитоҳ карда, қайд намуд, ки мақомоти иҷроияи ҳокимияти давлатии ноҳияи Деваштич дар нуҳ моҳи соли ҷорӣ ҷиҳати дар амал татбиқ намудани сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тадбирҳои заруриро амалӣ намуд. Фаъолияти мақомоти иҷроияи ҳокимияти давлатии ноҳия дар ин давра ҷиҳати таъмини иҷрои амру фармон ва супоришҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, инчунин амалисозии барномаҳои соҳавию минтақавӣ мусбат арзёбӣ мегардад.   Сипас доир ба натиҷаҳои рушди иҷтимоию иқтисодии ноҳия дар нӯҳ моҳи соли 2025…