Мақомоти иҷроияи ҳокимияти давлатии ноҳияи Деваштич

22.02.2025, шаҳри Душанбе Муҳтарам генералҳо ва афсарону сарбозони Қувваҳои Мусаллаҳ! Хизматчиёни ҳарбӣ ва кормандони мақомоти ҳифзи ҳуқуқ! Фардо ба таъсиси Қувваҳои Мусаллаҳи Тоҷикистони соҳибистиқлол, ки яке аз рукнҳои муҳимми давлати соҳибихтиёри тоҷикон мебошанд, 32 сол пур мешавад. Ҳамаи шумо – хизматчиёни ҳарбии Қувваҳои Мусаллаҳ, дигар сохторҳои низомӣ ва мақомоти ҳифзи ҳуқуқи мамлакатро ба муносибати ин санаи таърихӣ – ҷашни фарзандони далеру шуҷои Ватан самимона табрик мегӯям. Бо ифтихору қаноатмандӣ иброз медорам, ки ҳайати шахсии Қувваҳои Мусаллаҳ дар муддати 32 соли сипаригардида ҳифзи истиқлолу озодии мамлакат, ҳимояи марзу буми сарзамини аҷдодӣ, амнияти давлат ва ҷомеа, сулҳу оромӣ ва суботи сиёсиро дар кишвар ҷавонмардона ва бо садоқат ба халқу Ватан таъмин карда истодаанд. Дар ҳар давру замон ҳимояи Ватан ва ҳаёти осоиштаи мардум барои ҳар як ҷавонмарди бонангу номус вазифаи муқаддас ва вазифаи пуршараф ба ҳисоб меравад. Тоҷикон аз замонҳои хеле қадим ҳамчун миллати фарҳангиву сулҳдӯст, соҳибмаърифату тамаддунсоз ва ободкору созанда шинохта шудаанд. Вале дар тӯли таърихи чандинҳазорсолаи миллати мо фарзандони далеру фидокори он, аз қабили Муқаннаъ, Спитамен, Деваштичу Темурмалик, Восеъ ва ҳазорон нафари дигар барои ҳимояи сарзамини муқаддаси аҷдодӣ қаҳрамониву ҷоннисориҳо кардаанд ва ба наслҳои имрӯза аз худ намунаи ибрати ҷовидонӣ боқӣ гузоштаанд. Аз рӯзҳои аввали эълон гардидани истиқлоли давлатӣ ва ташкили…

Дар толори мақомоти иҷроияи ҳокимияти давлатии ноҳияи Деваштич таҳти роҳбарии Раиси ноҳия Ашуралӣ Ҷалилзода ва бо иштироки мудири шуъбаи кор бо кадрҳои дастгоҳи Раиси вилояти Суғд Шарифзода Ғолибҷон, муовинони Раиси ноҳия, роҳбари дастгоҳи Раиси ноҳия, кормандони мақомоти иҷроияи ҳокимияти давлатии ноҳия, Раисони Ҷамоатҳои шаҳраку деҳот, роҳбарони корҳонаву ташкилот дар ҷаласаи муаррифии кадрӣ навтаъиншуда доир гардид. Нахуст, мудири шуъбаи кадрҳои дастгоҳи Раиси вилояти Суғд Ғолибҷон Шарифзода баромад карда, иттилоъ дод, ки мутобиқи моддаи 20 Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ” ва дар асоси розигии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 14 феврали соли 2025 ва дар асоси қарори Раиси ноҳияи Деваштич Файзуллозода Насрулло Абдулло ба мансаби муовини раиси ноҳия таъин гардид. Сипас, ҳолномаи Файзуллозода Насрулло Абдулло муаррифӣ гардид. Зимни мулоқот бо кадри навтаъингардида Раиси ноҳия Ашуралӣ Ҷалилзода аз вазъи имрӯзаи мураккабу печидаи сиёсиву иқтисодии ҷомеаи ҷаҳонӣ ва пешгирии паҳншавии ақидаҳои ифротгароёна ёдовар гардида, зикр дошт, ки кадрҳои ба вазифаҳои нав таъиншуда бо донишу маҳорати касбӣ ва таҷрибаи андӯхтаашон метавонанд дар татбиқи сиёсати Ҳукумати Ҷумҳурии Тоҷикистон бо назардошти ҳимояи манфиатҳои миллӣ мусоидат намоянд. Роҳбари ноҳия ба масъулин таъкид намуд, ки зимни иҷрои вазифаҳои хизматӣ поквиҷдонона ва бо садоқат ба арзишҳои милливу давлатӣ…

Дар асоси дастуру ҳидоятҳои Пешвои муаззами миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш муҳтарам Эмомалӣ Раҳмон, 21 феврали соли 2025 Раиси ноҳия Ашуралӣ Ҷалилзода бо ҳамроҳии намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон варзиши вилоят Бахтиёр Исматзода ба қисмҳои низомии 04533-и Вазорати мудофиаи Ҷумҳурии Тоҷикистон дар ноҳия ташриф оварда, афсарону сарбозонро ба муносибати Рӯзи Қувваҳои Мусаллаҳи Ҷумҳурии Тоҷикистон табрик намуд. Раиси ноҳия зимни суханронии хеш иброз намуд, ки агар ба таърихи таъсисёбии Қувваҳои Мусаллаҳ назар афканем, маълум мегардад, ки дар баробари соҳиби истиқлолияти давлатӣ гардидани Ҷумҳурии Тоҷикистон, аз ҷумлаи аввалин иқдоми Ҳукумати кишвар, сарфи назар аз ҳама мушкилоти сиёсӣ, иқтисодӣ ва иҷтимоӣ ин ташкили Қувваҳои Мусаллаҳ буд. Бояд қайд намуд, ки Артиши миллии кишвари азизамон дар шароити бисёр вазнини сиёсиву иқтисодӣ таъсис дода шуд. Минбаъд дар натиҷаи таваҷҷӯҳи доимии давлату Ҳукумати Ҷумҳурии Тоҷикистон, Қувваҳои Мусаллаҳ тадриҷан устувору қавӣ гардид. Барои насли наврас хизмат дар сафи Қувваҳои Мусаллаҳи Ҷумҳурии Тоҷикистон муҳимтарин мактаби обутоби ҳаётӣ буда, маҳз дар ҳамон ҷо ҷавонписарон сабақи шуҷоату мардонагӣ мегиранд, муҳофизат намудани хоки поки Ватанро меомӯзанд, – таъкид намуд Раиси ноҳия. Дар ноҳия қисмҳои низомии Вазорати мудофиа ва Қӯшунҳои сарҳадӣ фаъолият менамоянд, ки бо афсарони дорои маълумот ва малакаи баланди…

Ҳамасола дар саросари кишвари азизамон 23 феврал – Рӯзи Қувваҳои Мусаллаҳи Ҷумҳурии Тоҷикистон бо шукӯҳу шаҳомати хоса, дар сатҳи баланди сиёсиву ташкилӣ таҷлил карда мешавад. Ба ин муносибат санаи 21 феврал дар Қасри фарҳанги ба номи А.Рудакии ноҳия ба муносибати Рӯзи Қувваҳои Мусаллаҳи Ҷумҳурии Тоҷикистон ҷамъомади тантанавӣ бо иштироки Раиси ноҳия Ашуралӣ Ҷалилзода, намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Баҳтиёр Исматзода, муовинони раиси ноҳия, роҳбарони мақомоти ҳифзи ҳуқуқи ноҳия, кормандони комиссариати ҳарбии ноҳия, собиқадорони соҳа, раисони Ҷамоатҳои шаҳраку деҳот, роҳбарони корхонаву ташкилотҳо ва фаъолони ноҳия доир гардид. Ҷамъомади тантанавӣ бо даровардани Парчами милли Ҷумҳурии Тоҷикистон ба толор ва садо додани Суруди миллӣ оғоз гардид. Нахуст Раиси ноҳия Ашуралӣ Ҷалилзода кулли иштирокчиёнро ба муносибати Рӯзи Қувваҳои Мусаллаҳи Ҷумҳурии Тоҷикистон табрик гуфта, барояшон тансиҳатию умри дароз, бахту саодати рўзгор, файзу баракати бешумор ва дар ҷодаи фаъолияти пуршарафу ватандўстонаашон барору пешравӣ ва комёбиҳои нав ба навро таманно карданд. Артиши миллии кишвари азизамон дар шароити бисёр вазнини сиёсиву иқтисодӣ таъсис дода шуд. Минбаъд дар натиҷаи таваҷҷӯҳи доимии давлату Ҳукумати Ҷумҳурии Тоҷикистон, Қувваҳои Мусаллаҳ тадриҷан устувору қавӣ гардид. “Барои насли наврас хизмат дар сафи Қувваҳои Мусаллаҳи Ҷумҳурии Тоҷикистон муҳимтарин мактаби обутоби ҳаётӣ буда, маҳз дар ҳамон…

Нимаи рӯзи 19 феврали соли 2025 дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 17 январи соли 2025 дар маҷлиси васеи Ҳукумати Ҷумҳурии Тоҷикистон баён доштанд, дар толори калони мақомоти иҷроияи ҳокимияти давлатии ноҳияи Деваштич таҳти Раёсати муовини Сарвазири Ҷумҳурии Тоҷикистон Зиёзода Сулаймон Ризоӣ ҷаласаи корӣ баргузор гардид. Дар ҷаласаи мазкур Раиси ноҳия Ашуралӣ Ҷалилзода, Вазири кишоварзии Ҷумҳурии Тоҷикистон Қурбон Ҳакимзода, Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода, Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, директори Агентии хоҷагии ҷангали назди Ҳукумати Ҷумҳурии Тоҷикистон Абдуҷаббор Юсуфзода, Президенти Академияи илмҳои кишоварзӣ Амонулло Салимзода, муовини Раиси Кумитаи давлатии идораи замин ва геодезӣ Мирзовалӣ Сафармаҳмадзода, муовини Раиси вилояти Суғд Файзулло Қосимӣ, муовинони Раиси ноҳия, роҳбари дастгоҳи Раиси ноҳия, мудирони шӯъбаю бахшҳои мақомоти иҷроияи ҳокимияти давлатии ноҳия, Раисони Ҷамоатҳои шаҳраку деҳот, масъулини идораи кишоварзӣ, замин, об, ҳифзи муҳити зист, маркази бехатарии озуқаворӣ, раисони хоҷагиҳои деҳқонӣ ва дигар шахсони дахлдор иштирок карданд. Нахуст, Раиси ноҳияи Ашуралӣ Ҷалилзода меҳмонон ва аҳли Раёсатро хайрамақдам гуфта, барои таваҷҷуҳ ва дастгириҳои пайвастаашон баҳри рушди соҳаи кишоварзӣ дар партави сиёсати созандаву бунёдкоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма…

19 феврал муовини Сарвазири Ҷумҳурии Тоҷикистон Сулаймон Зиёзода бо мақсади шиносоӣ аз захираи картошка ба ноҳияи Деваштич ташриф овард. Муовини Сарвазири Ҷумҳурии Тоҷикистонро Вазири кишоварзии Ҷумҳурии Тоҷикистон Қурбон Ҳакимзода, Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода, Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, директори Агентии хоҷагии ҷангали назди Ҳукумати Ҷумҳурии Тоҷикистон Абдуҷаббор Юсуфзода, Президенти Академияи илмҳои кишоварзӣ Амонулло Салимзода, муовини Раиси Кумитаи давлатии идораи замин ва геодезӣ Мирзовалӣ Сафармаҳмадзода, муовини Раиси вилояти Суғд Файзулло Қосимӣ ҳамроҳӣ карданд. Тавре мушоҳида гардид, дар аксари таҳхонаи манзилҳои истиқоматии сокинони ҷамоатҳои Ваҳдат ва Исмоили Сомонӣ картошка ва ҳам тухмии он захира карда шудааст. Кишоварзони ноҳияи Дешваштич тӯли солҳои охир ҷиҳати иҷрои супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон майдони кишти картошкаро наздик 1000 гектар зиёд намуданд. Бо дастгирии мақомоти иҷроияи ҳокимияти давлатии вилоят, ноҳия ва инчунин аз ҷониби худи аҳолӣ заминҳо обёрӣ шуда, кишоварзон барои зиёд намудани истеҳсоли картошка чораҷӯӣ менамоянд. Ҳоло дар ноҳияи Деваштич 12 намуди тухмии картошка парвариш карда мешавад ва тибқи дурнамо деҳқонони ноҳия азм доранд, ки то соли 2030 истеҳсоли картошкаро то ба 500 ҳазор тонна расонанд. Муовини Сарвазири Ҷумҳурии Тоҷикистон Сулаймон Зиёзода аснои боздид зикр намуд, ки…

  Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1998-2007 Ҷумҳурии Тоҷикистон ба хизмати ҳарбӣ Мутобиқи моддаи 7 Қонуни Ҷумҳурии Тоҷикистон «Дар бораи мудофиа» фармон медиҳам: 1. Хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои апрел-майи соли 2025 аз сафи Қувваҳои Мусаллаҳи Ҷумҳурии Тоҷикистон, қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, қӯшунҳои дохилии Вазорати корҳои дохилии Ҷумҳурии Тоҷикистон, қӯшунҳои мудофиаи граждании Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, бригадаи посбоникунандаи сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, баталиони кишоварзии Агентии таъминоти амволи махсуси назди Ҳукумати Ҷумҳурии Тоҷикистон ба эҳтиёт рухсат карда шаванд. 2. Моҳҳои апрел-майи соли 2025 шаҳрвандони ҷинси марди то рӯзи даъват ба синни 18 расида, инчунин шаҳрвандони синни калонтари Ҷумҳурии Тоҷикистон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон, қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, қӯшунҳои дохилии Вазорати корҳои дохилии Ҷумҳурии Тоҷикистон, қӯшунҳои мудофиаи граждании Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, бригадаи посбоникунандаи сарраёсати иҷрои ҷазои ҷиноятии Вазорати…

26 декабр дар толори калони мақомоти иҷроияи ҳокимияти давлатии ноҳия таҳти роҳбарии Раиси ноҳияи Деваштич – Раиси маҷлиси вакилони ҳалқи ноҳия Ашуралӣ Ҷалилзода ва намояндаи мақомоти иҷроияи ҳокимияти давлатии вилояти Суғд, сардори Раёсати сармоягузорӣ ва идораи молу мулки давлатии мақомоти иҷроияи ҳокимияти давлатии вилояти Суғд Ахмедов Шарифҷон иҷлосияи бисту дуюми маҷлиси вакилони халқи ноҳияи Деваштич, даъвати шашум баргузор гардид. Дар кори иҷлосияи мазкур муовинони раиси ноҳия, роҳбари дастгоҳи раиси шаҳр, мудирони шуъба ва бахшҳои мақомоти иҷроияи ҳокимияти давлатии ноҳия, роҳбарони мақомотҳои ҳифзи ҳуқуқ, вакилон, раисони ҷамоатҳои шаҳраку деҳот, роҳбарони корхонаю ташкилотҳои ноҳиявӣ, директорони муассисаҳои таълимӣ, раисони хоҷагиҳои кишоварзӣ, имомхатибон ва раисони Шўрои маҳаллаҳои деҳаҳо, шахсони ба масъалаҳои иҷлосия дахлдор иштирок доштанд. Пас аз садо додани Суруди миллии Ҷумҳурии Тоҷикистон раиси маҷлис Ашуралӣ Ҷалилзода, вакил аз ҳавзаи интихоботии “Сурхоб №34“ ба кори иҷлосия оғоз бахшид. Бо назардошти иловаи масъалаҳо рўзномаи маҷлис тасдиқ гардид. Аз рўи масъалаи якуми рўзнома ҳисоботи Раис ноҳия оид ба ҷамъбасти натиҷаҳои рушди иқтисодиву иҷтимоии ноҳияи Деваштич дар ёздаҳ моҳи соли 2024 муовини якуми Раиси ноҳия, вакил аз ҳавзаи интихоботии  “Сойча№36” Умар Маҳмадёрзода  пешниҳоди ҳозирин карда шуд. Аз рӯи масъалаи дуюми рўзнома оид ба тасдиқи буҷети ноҳия барои соли 2025 ва оид ба иҷрои буҷети шаҳр дар соли…

12 декабри соли 2024 бо садо додани Суруди миллӣ таҳти раёсати Раиси ноҳияи Деваштич, Раиси Маҷлиси вакилони халқи ноҳия Ашуралӣ Ҷалилзода Иҷлосияи ғайринавбатии бисту якуми Маҷлиси вакилони халқи ноҳияи Деваштич, даъвати шашум баргузор гардид. Дар кори иҷлосияи мазкур муовини якум, муовинони Раиси ноҳия, роҳбари дастгоҳи Раиси ноҳия, роҳбарони мақомотҳои хифзи ҳуқуқ, мудирони шӯъбаю бахшҳои мақомоти иҷроияи ҳокимияти давлатии ноҳия ва вакилони Маҷлиси вакилони халқи ноҳия иштирок намуданд. Раиси ноҳияи Деваштич, Раиси Маҷлиси вакилони халқи ноҳия Ашуралӣ Ҷалилзода дар оғоз иброз дошт, ки тибқи Фармони Президенти Ҷумҳурии Тоҷикистон аз 4 декабри соли 2024, №882 рӯзи 2 марти соли 2025 интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо баргузор мегардад. Бо назардошти ин, зарур аст, ки мақомоти иҷроияи ҳокимияти давлатии ноҳия барои татбиқи меъёрҳои муқаррарнамудаи Қонуни конститутсионии Ҷумҳурии Тоҷикистон “Дар бораи интихоботи вакилон ба Маҷлисҳои маҳаллии вакилони халқ” тадбирҳои мушаххас андешад. Дар ин бора қарори Раиси ноҳия ба тавсиб расидааст ва он ироа карда шуд. Вобаста ба ин, бо қарорҳои дахлдори Маҷлиси вакилони халқи ноҳия Комиссияи ноҳиявии интихобот оид ба интихоботи вакилони Маҷлиси вакилони халқи ноҳияи Деваштич, даъвати ҳафтум иборат аз 9 нафар таъсис ёфта, барои гузаронидани…

Ҳамасола санаи 7-уми декабр Рўзи кормандони мақомоти молия таҷлил карда мешавад, ба ин муносибат санаи 6 декабр бо ишироки Раиси ноҳия Ашуралӣ Ҷалилзода дар толори хурди Мақомоти иҷроияи ҳокимияти давлатии ноҳия ҷамъомад баргузор гардид. Раиси ноҳия Ашуралӣ Ҷалилзода кулли кормандони раёсати Вазорати молия дар ноҳия ва собиқадорони соҳаро бо фарорасии иди касбӣ – Рўзи кормандони мақомоти молия табрику таҳният гуфта, барояшон тани баофият, хотири ҷамъ ва дар иҷрои вазифаи пурмўҳтаво ва бомасъулият комёбиҳо таманно намуд. Таъкид гардид, ки пешбурди сиёсати буҷету андоз, таҳияи буҷети давлатӣ, ҷараёни иҷроиши буҷет, назорати истифодаи маблағҳои буҷетӣ, маблағгузории саривақтии тадбирҳое, ки бо маблағгузории давлатӣ дар буҷет пешбинӣ шудаанд, ҳамчунин назорати фаъолияти штатию молиявии ташкилоту муассисаҳои буҷетӣ, хароҷоти босамар ва мақсадноки маблағҳои буҷетӣ ва ғайра аз вазифаҳои аввалиндараҷаи молиячиён маҳсуб мешаванд. -Саҳми кормандони Раёсати вазорати молия дар ноҳияи Деваштич дар татбиқи сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пешбурди сиёсати буҷету андоз, таҳияи буҷети давлатӣ, ҷараёни иҷроиши буҷет, назорати истифодаи маблағҳои буҷетӣ, хароҷоти босамар ва мақсадноки маблағҳои буҷетӣ, дар сафарбар намудан ва самаранок истифода бурдани захираҳои молияи давлатӣ ҷиҳати ноилшавӣ ба ҳадафҳои рушди иҷтимоиву иқтисодии ноҳия хеле назаррас мебошад,- иброз дошт Раиси ноҳия Зикр гардид, ки кормандони Раёсати Вазорати…