Мақомоти иҷроияи ҳокимияти давлатии ноҳияи Деваштич

Бахшида ба Рӯзи умумиҷаҳонии оила як қатор тантанаҳо дар ноҳияи Деваштич баргузор гардид, ки дар он оилаи намунавии Ҷамоатҳои шаҳраку деҳот иштирок намуданд. Дар Қасри фарҳанги ба номи А.Рӯдакӣ раиси ноҳия Сулаймон Зиёзода, роҳбарони ташкилоту идораҳо ва як гуруҳ шахсиятҳои шинохтаву барӯманду рӯзгордидаи ноҳия ташриф оварданд. Раиси ноҳия Сулаймон Зиёзода барои ташкили чорабинии идона, тамошои намоиши ҳунарҳои мардумӣ ва барномаҳои фарҳангӣ изҳори сипос намуда, ба ташкилкунандагони чорабинӣ миннатдории мақомоти иҷроияи ҳокимияти давлатии ноҳияро баён намуд. Аз ҷумла, дар суханрони қайд намуд, ки бо ташаббуси созандаву хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оила ва солимии он дар ҷомеаи имрӯза ба як ҳадафи асосии Ҳукумати Ҷумҳурии Тоҷикистон табдил ёфтааст. Дар чорабинӣ оилаҳои намунавӣ аз ҳаёту фаъолияти худ ба иштирокдорон маълумотҳои ҷолиби диққатро нақл намуданд. Инчунин фаъолзанон дар боари солимии оилаҳо, тарбияи фарзандон дар назди ҳозирин андешаҳои хешро изҳор карданд. Барномаи фарҳангии кормандони бахши фарҳанги ноҳия хотири иштирокдоронро болида сохт. Ба 8 ҷуфти оилаҳои намунавии ноҳия, ки аз 5 то 50 сол зиндагии муштарак доранд, туҳфаҳои хотиравӣ ва Сипосномаи мақомоти иҷроияи ҳокимияти давлатии ноҳия аз ҷониби раиси ноҳия Сулаймон Зиёзода супорида шуд.

Бахшида ба таҷлили сазоворонаи Рӯзи Ғалаба  дар қисмҳои ҳарбии 0214-и Қушунҳои сарҳадии Кумитаи давлатии амнияти миллӣ ва 04533-и Қушунҳои хушкигарди Вазорати мудофиаи дар ноҳияи Деваштич буда, бо иштироки Раиси ноҳия Зиёзода Сулаймон ва роҳбарони мақомотҳои ҳифзи ҳуқуқи дар ноҳиябуда  аёдати сарбозону афсарон  баргузор гардид. Раиси ноҳия аз вазъи воқеии ҳардуи қисмҳои низомӣ аз наздик дидан намуд. Дар чорабинӣ раиси  ноҳия Зиёзода Сулаймон кулли сарбозону афсарон ва ҳайати шахсиро ба Рӯзи Ғалаба муборакбод намуд. Аз ҷумла қайд карда шуд, ки Шумо ҷавонписарон дарси мардонагиву шуҷоатро дар айёми хизмати ҳарбӣ омӯхта, муқаддастарин арзиши ҳаёт-дӯст доштан ва содиқона муҳофизат кардани Ватанро аз худ менамоед. Боиси ифтихор аст, ки имрӯз ҷавонони Шумо худ дарк намудаанд, ки хизмат ба Ватан муҳимтарин қазри шаҳрвандӣ ба ҳисоб меравад. ҳамасола сафи ихтиёриён зиёд гардидааст. Инчунин худи ҳаминрӯз бо иштироки волидони сарбозон ва хонандагони муассисаҳои таълимӣ савгандёдкунии наваскарон низ доир шуд. Барои сарбозону афсарон барномаи фарҳангӣ ва дастурхони идона ороста шуд.

Чорабиниҳо бахшида ба таҷлили 74-умин солгарди Ҷанги Бузурги Ватанӣ бо гузоштани гулчамбар ба пояи нимпайкараи Қаҳрамони Иттиҳоди Шӯравӣ Урунбек Ёқубов оғоз гардид. Баъдан дар хиёбони Исмоили Сомонӣ таҷлили Иди Ғалаба бо иштироки Раиси ноҳия Зиёзода Сулаймон, намояндаи Мақомоти иҷроияи ҳокимияти давлатии вилоят Осим Каримзода, иштирокчиёни ҶБВ, собиқадорони меҳнат, ҷанговарони байналмилал,  иштирокчиёни садамаи Чернобил, барқароркунандагони сохти конститутсионӣ, роҳбарони мақомотҳои ҳифзи ҳуқуқи ноҳия, раисони ҷамоатҳои шаҳраку деҳот, ташкилоту корхонаҳо , муассисаҳои тандурустиву таълимӣ ва гуруҳи сокинои ноҳия ширкат варзиданд. Чорабинӣ бо гузоштани гулчамбар ифтитоҳ ёфт. Раиси ноҳия Зиёзода Сулаймон ҳамагонро бо ин санаи басо ҳаётан муҳим табрику муборакбод намуда, доири хизматҳои шоёни ҷанговарон суханҳои наҷибро вирди забон овард. Инчунин намояндаи Мақомоти иҷроияи ҳокимияти давлатии вилоят Осим Каримзода паёми табрикии Раиси вилоят Раҷаббой Аҳмадзодаро ба саъми ҳамагон расонид. Баҳри болидахотирии иштирокдорон барномаи фарҳангии аҳли санъати ноҳия пешкаш карда шуд.

Ташкилоти террористӣ – экстремистии ҳизби наҳзати исломӣ бо сарварии Муҳиддин Кабирӣ аз хориҷи кишвар дар паноҳи хайрхоҳони хориҷиашон истода, бо ҳар роҳу восита аз зери нохун чирк кофта, нисбати Тоҷикистони соҳибистиқлол, ки рӯ ба тараққӣ ниҳода, ба сӯи ободкориҳо суботкорона пеш меравад, туҳмату буҳтони ғаразнок мезананд. Мардуми кишварамон шукронаи Истиқлолият, шукронаи ваҳдати миллӣ мекунанд, ки тӯли чоряк асри баъди Истиқлолият ба пешравиҳои калони иқтисодию иҷтимоӣ ноил шуда, дар ҳар деҳаву маҳалла бунёдкориҳо чунон босуръат пеш рафт, ки мислашро насли калонсол надида буд. Пас кадом чиз барои наҳзатиҳо боиси норозигист. Оё ин ношукрӣ нест, ки чунин давлату чунин шароитҳоро нодида гирифта ба ҷойи дар ободонию шукуфонии кишвар саҳм гузоштан даст ба дасисабозӣ мезананд? ҲНИ баробари ҳизбҳои дигар дар интихоботи порлумонӣ иштирок мекард, шароитҳои хуб дошт…. Аз тарафи ТТЭ ҲНИ, ки бозичаи дасти хоҷагони хориҷӣ буд, ҷиноятҳои зиёд содир шуданд. Саркардагони ҲНИ бо пуштибонӣ аз хоҷагони хориҷии худ маблағҳои калони гирифтаашонро бо мақсадҳои разилонаи тарҳрезишудаи онҳо масраф карда, вазъи орому осудаи ҷумҳуриро ноором карданӣ мешаванд. Аммо дигар ба мақсадҳои худ нахоҳанд расид. Зеро ҳаркӣ бадхоҳи халқу миллати хеш аст, оқибат хору зор хоҳад шуд. Ш. Ашӯров, омӯзгори МТМУ № 15, ноҳияи Деваштич

Тайи солҳои охир баъзе намояндагони созмонҳои дохиливу хориҷии аҳзоби сиёсӣ ва ҷунбишҳои ҷомеаи кунунӣ ба мақоми давлату миллати тоҷик сару садоҳои иғвогарона баланд мекунанд. Шахсону гурӯҳҳои алоҳида мехоҳанд бо дасисаву моҷаро бо ҳар роҳу восита вазъияти ороми ҷомеаро халалдор созанд. Сиёсат аҷаб бозиест, мушкил, лекин ин ҳодисаҳо ягон шахси ватандӯстро бетараф мононда наметавонад. Онҳо бо ин ақидаҳои номатлуби хеш мехоҳанд мафкураи инсонро заҳролуд гардонида, байни мардуми мусалмон низоъ андозанд. Магар онҳо намедонанд, ки фарди мусалмон дар кадом вазифае набошад, фарзу суннатҳои дини Исломро мепарастад. Зеро китоби муқаддаси мусалмонон дар тинату сирати инсон ҷо гирифта, ӯро ба роҳи нек ҳидоят месозад. Оё онҳо намедонанд, ки дар хонадони ҳар як мусалмон китоби «Қуръон» муқаддас дониста шуда, онро чун гавҳараки чашм нигоҳ медоранд? Онҳо магар намедонанд, ки ин китоб барои мо мусалмонон азиз ас? Ин ифротиён худ аз азиз будани дини Ислом ва китоби «Қуръон» ҳарф мезананду як умр Исломро дар ҳамон деги сиёсати ифлос меҷӯшонанд. Онҳо фарде ҳастанд, ки садоқату вафодориро намедонанд, ба қадри некиҳо намерасанд. Бо ақидаҳои нодуруст ва гуфторҳои бардурӯғи худ шахсоне, ки баҳри Ватан, ободиву созандагӣ сулҳу ваҳдат саҳмгузоранд, байни халқ айбдор сохтанианд. Онҳо бояд донанд, ки мардуми ватандӯсту сулҳпарвари тоҷик ҳеҷ гоҳ ба дасисаҳои бардурӯғу фитнаангез бовар намекунанд….

Кишвари босуботи мо баҳри ҳифзи амният, пешгирӣ ва мубориза бо падидаҳои номатлуби ифротгароиву идеологияи фитнаангез Стратегияҳои мукаммали миллӣ қабул гардидаанд, ки дар асоси он муқовимат бо экстремизму терроризм, савдои одамон ва дигар ҷиноятҳои вазнини хиёнат ба Ватан ба роҳ монда шудааст. Имрӯзҳо дар сомонаҳои интернетӣ наҳзатиёни фитнаангез худро гӯё бегуноҳ ҳисобида, мехоҳанд худро сафед кунанд, лекин ҳамаи мо он рӯзҳои мудҳиши солҳои 90-уми асри гузаштаро, ки ба сари мо хиёнаткорон оварда буданд, фаромӯш нахоҳем кард. Ба қавле, хоҷагони бурунмарзии онҳо хостанд, ки суботу оромии кишварро халалдор намуда, давлати тозаистиқлоли моро пора-пора кунанд. Аммо ин нақшаи сиёҳи онҳо амалӣ нагашт, зеро халқи тоҷик бо иродаи қавӣ ва хиради бузург тавонист, ки аз ин нохалафон таъриху фарҳанги худро ҳифз намояд. Фитнаангезиву иғвоҳои аъзоёни ҲНИ ва хоҷагони бурунмарзиашон наметавонад ба тафаккури мо таъсир расонад. Зеро имрӯз мо ҳама якдилу муттаҳидем ва баҳри ҳимояи Ватани маҳбуби худ ҳамеша омода ҳастем. Инак, вақти он расидааст, ки ҳар яки он хиёнаткорони Ватан барои гуноҳашон ҷавоб гӯянд. Зеро ҷанги шаҳвандии таҳмилӣ, ки бо нақшаи кашидаи фарзандони фурухташудаи тоҷик рӯйи кор омада буд, бо мушкилиҳои зиёд паси сар шуд. Дар ҷаҳони муосир бояд ҳар як фарди худшиносу худогоҳ, меҳанпарасту ватандӯст ҳамеша омодаи ҷавоб ба ин гуруҳу созмонҳои ифротгаро…

Дар тамоми гӯшаю канори Тоҷикистони маҳбубамон фестивали «Сайри гули лола», ки яке аз рукни таърихии аҷдодии миллати тоҷик маҳсуб меёбад баргузор гардида истодааст. Мақсад аз баргузории ин чорабинии фарҳангӣ эҳёи суннатҳои аҷдодӣ,  дӯст доштани табиат ва баланд бардоштани ҳисси зебоипарастии сокинон мебошад. Ноҳияи Деваштич низ як гӯшаи зебоманзари Ватани азизамон буда, бо табиати дилнишину назаррабояш қалби ҳар бинандаро ба худ мафтун месозад. Бо ҳамин мақсад бахшида ба фестивали «Сайри гули лола» дар мавзеи деҳаи Анбарини Ҷамоати деҳоти Муҷун ҷамъомади ботантана ва барномаи  фарҳангӣ баргузор шуд. Дар чорабинии мазкур як қатор бонувон, хонандагон  таҳти роҳбарии мудири бахши кор бо занон ва оилаи мақомоти иҷроияи ҳокимияти давлатии ноҳияи Деваштич либосҳои миллии атласу адрас ва чакан ба бар иштирок намуданд. Раиси ноҳия Сулаймон Зиёзода ба тамоми иштирокчиён аввалан дар мавриди тинҷиву оромии ватани маҳбубамон, ки бо сарварии хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам ҳарф зад. Қайд карда шуд, ки моро зарур аст барои пос доштани ҳамаи фарҳангу тамаддун ва анъанаҳои миллӣ, тарбияи насли наврас, ободониву бунёдкории ҳар гӯшаи диёри азизамон меҳнати содиқона намоем. Дар чорабинӣ намоиши ҳунарҳои мардумӣ ба роҳ монда, дар қисмати фарҳангии фестивали «Сайри гули лола» намояндагони бахши фарҳанг бо суруду рақс ва шоираи халқии Тоҷикистон…

Раиси вилояти Суғд Раҷаббой Аҳмадзода дар доираи сафари корӣ ба ноҳияи Деваштич бо ҷараёни сохтмони иншооти гуногун шинос гардид. Дар асоси нақшаи чорабиниҳои марбут ба ҷашни 30-солагии Истиқлолият имрӯзҳо дар Ҷамоати деҳоти Яхтани ноҳияи Деваштич бо дастгирии мақомоти иҷроияи ҳокимияти давлатии вилоят сохтмони муассисаи томактабии ҷамоат бо 240 ҷой идома дорад. Фармоишгари иншооти мазкур Идораи сохтмони асосии вилоят буда, пудратчӣ ширкати “Суғдсохтмонсоз” мебошад. Зимни шиносоӣ бо рафти корҳои сохтмонӣ Раиси вилоят ба масъулин ҷиҳати бо сифати баланд ба итмом расонидани корҳо, зиёд намудани шумораи сохтмончиён, кабудизор ва чароғонкунии атрофи бино дастуру супоришҳо дод. Сипас, Раиси вилоят раванди корҳои сохтмониро дар маркази саломатии Ҷамоати деҳоти Яхтан мавриди таваҷҷуҳ қарор дод. Аснои шиносоӣ таъкид гардид, ки иншооти соҳаи тандурустӣ баҳри беҳтар намудани вазъи хизматрасонии тиббӣ бунёд шуда, бо мавриди истифода қарор гирифтани он 10 нафар кормандони соҳаи тиб бо ҷойи корӣ таъмин мегарданд. Фармоишгари иншоот Идораи сохтмони асосии вилояти Суғд буда, маркази саломатӣ тибқи лоиҳа дорои 8 ҳуҷра мебошад. Харҷномаи лоиҳавии иншоот наздик ду миллион сомониро дар бар гирифта, то ба имрӯз ба маблағи 800 ҳазор сомонӣ корҳои сохтмонӣ ба иҷро расонида шудааст. Дар идомаи боздиди корӣ Раиси вилоят ҳамзамон бо ҷараёни корҳои сохтмонӣ дар бинои Нозироти андоз, бинои Маркази адлия, бинои…

Дар маҷлисгоҳи Мақомоти иҷроияи ҳокимияти давлатии ноҳияи Деваштич мулоқоти раиси ноҳия Сулаймон Зиёзода бахшида ба ёдбуди хотираи бартарафкунандагони садамаи Чернобел баргузор гардид. Раиси ноҳия Сулаймон Зиёзода ҳамаи иштирокчиёни садамаро табрик намуда, барои хизматҳои онҳо миннатдории хешро изҳор намуд. Инчунин қайд гардид, ки барои дар руҳияи баланди ватандӯстиву ватанпарастӣ ва худшиносии миллӣ тарбия намудани насли наврас хизматҳои Шумо ҳамчун мактаби бузурги ҷасорату мардонагӣ ба ҳисоб меравад. Раиси шӯрои собиқадорони ҷангу меҳнат Даврон Эргашов барономад намуд. Инчунин аз номи ҳамаи чернобелчиён А.Ғаффоров барои ғамхориҳои ҳамешагии Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон миннатдории самимии хешро изҳор намуд. Инчунин барои қадршиносии Мақомоти иҷроияи ҳокимияти давлатии ноҳия, ки ҳамасола доир мегардад арзи сипос кард. Ба иштирокчиёни садамаи Чернобел медалҳои ҷашнӣ, мукофотҳои пулӣ, тӯхфаҳои хотиравӣ ва дастурхони идона ташкил карда шуд.

Тибқи нақша-чорабиниҳои Мақомоти иҷроияи ҳокимияти давлатии вилояти Суғд вохӯрии раиси ноҳия Сулаймон Зиёзода бо донишҷуёни Донишгоҳу донишкадаҳои олӣ ва миёнаи касбии шаҳри Душанбе таҳсил менамояд баргузор гардид. Мулоқот дар маҷлисгоҳи Донишгоҳи аграрии Тоҷикистон ба номи Шириншоҳ Шоҳтемур бо иштироки гуруҳи меҳмонон ва шахсони барӯманди ноҳия, ки дар маркази ҷумҳурӣ кору фаъолият менамояд аз ҷумла вакили МНМО Исмоилзода Зуфар, Латофат Кенҷаева ва Зулфия Атоӣ доир гардид. Мулоқотро муовини Маҳмадёрзода Усмон ректори Донишгоҳи аграрии Тоҷикистон Маҳмадёрзода Усмон ифтитоҳ намуд. Раиси ноҳия Сулаймон Зиёзода зимни баромад аз донишҷӯён даъват ба амал оварда қайд намуд, ки аз Шумо донишҷуён мақомоти иҷроияи ҳокимияти давлатии ноҳия умедвории басо муҳим дорад. Зеро ҳар яки Шумо баъди хатми донишгоҳ соҳиби маълумот гардида, баҳри пешрафти ҳамаи соҳаҳои хоҷагии халқи ноҳия саҳми арзандаи худро хоҳед гузошт. Инчунин барои донишҷуёни кабизоат ва ятим кӯмакпулии яквақта ва барои донишҷуёни фаъол Сипосномаи Мақомоти иҷроияи ҳокимияти давлатии ноҳия супорида шуд.