Мақомоти иҷроияи ҳокимияти давлатии ноҳияи Деваштич

Муҳтарам кормандони мақомоти андоз ва собиқдорони соҳа! Бо камоли эҳтиром ҳамаи Шумоёнро ба муносибати иди касбиатон Рўзи кормандони мақомоти андоз аз номи худам ва аз номи мақомоти иҷроияи ҳокимияти давлатии ноҳия табрик ва муборакбод намуда, бароятон тансиҳатӣ, саодати умр, рўзгори ободу осуда ва дар фаъолияти босамару пурмасъулиятатон комёбиҳои тоза ба тоза таманно менамоям. Воқеан ҳам мақомоти андоз дар даврони соҳибистиқлолии мамлакат бо сарварӣ ва сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон чун рукни муҳим ва асоси молиявии мавҷудияти давлат арзи ҳастӣ намуда, ба яке аз ниҳодҳои пурқуввату тақдирсози давлатӣ табдил ёфта, дар пешрафти ҳаёти иқтисодиву иҷтимоии кишвар, бахусус беҳтар шудани сатҳи зиндагии мардум саҳми арзишманд дорад. Боиси ифтихор аст, ки кормандони соҳаи андоз ҷонибдори сиёсати оқилонаи Пешвои муаззами миллат буда, дар ободии Тоҷикистон, ғанӣ гардонидани буҷети давлатӣ, самаранок истифода бурдани маблағ ва бо ин васила таъмини пойдории давлати ҳуқуқбунёд, дунявӣ ва демократӣ кўшиш менамоянд. Имрўз ҳар фарди солимфикри ҷомеа медонад, ки баракати хазинаи давлат аз андоз вобастагӣ дорад ва давлат тавассути он сиёсати иқтисодӣ ва иҷтимоиашро муназзам месозад. Самараи саъю талош ва меҳнати кормандони мақомоти андози ноҳия мебошад, ки корҳои бунёдкориву созандагӣ дар ноҳия рўз аз рўз вусъати тоза гирифта, тибқи нақшаи чорабиниҳои ноҳиявӣ…

2 майи соли равон Раиси ноҳияи Деваштич Ашуралӣ Ҷалилзод дар доираи нақшаи корӣ аз рафти корҳои сохтмонии муассисаи таҳсилоти миёнаи умумии рақамаи 48-и деҳаи Муҷуни Ҷамоати деҳоти Муҷун шинос шуд. Дар доираи корҳои ободониву бунёдкорӣ ба истиқболи ҷашни 35-солагии Истиқлоли давлатии Ҷумҳурии Тоҷикистон дар деҳаи Муҷун бинои муассисаи таҳсилоти миёнаи умумии рақами 48 ба истифода дода мешавад. Зимни шиносоӣ иттилооъ дода шуд. ки бинои мазкур аз се ошёна ва таххона иборат буда, барои 420 хонанда дар як баст бунёд шуда, бо таҷҳизоти зарурӣ ва аёниятҳои дарсӣ пурра таъмин карда мешавад. Раиси ноҳия бо раванди корҳои сохтмонӣ дар иншооти мазкур ба масъулини соҳаи меъмориву шаҳрсозӣ ва дигар шахсони масъул вазифадор карда шуданд, ки ба сифати корҳои сохтмонӣ таваҷҷуҳ зоҳир намуда ба масъулин дастуру супоришҳо дод.  

Имсол дар ҳамаи шаклҳои хоҷагидории ноҳияи Деваштич дар майдони  9 ҳазор гектар картошка кишт карда мешавад, ки нисбат ба соли 2024  800 гектар бештар аст.   Деваштич ноҳияи аграрӣ буда, иқлими он барои парвариши тамоми намуди зироат мувофиқ аст. Барои парваришу истеҳсоли картошка ва то ба 500 ҳазор тонна расонидани ҷамъоварии ба истилоҳ «нони дуюм» дар ноҳияи Деваштич имконият фаровон аст.   Сокинони ноҳия заминҳои наздиҳавлигии худро пурсамар истифода бурда, дар он парвариши картошкаро ба роҳ мондаанд.   Тибқи маълумоти масъулини соҳаи кишоварзии ноҳия заминҳои наздиҳавлигиву президентӣ аз ҷониби деҳқонон пурра истифода шуда, дар чунин заминҳо асосан кишти картошка ба роҳ монда шудааст.