Мақомоти иҷроияи ҳокимияти давлатии ноҳияи Деваштич

27 июн Раиси ноҳияи Деваштич Ашуралӣ Ҷалилзода ба муносибати Рӯзи Ваҳдати миллӣ мумфаршкунии роҳи маҳаллаи Қӯрғончаи деҳаи Ғазантараки ноҳия ҳусни оғоз бахшид. Тавре иттилоъ дода шуд, бо иқдоми хатмкунандагони соли таваллудашон 1988 ва сокинони маҳаллаи мазкур амалӣ гардида истодааст. Роҳи мазкур аз ҷониби ширкати роҳсозӣ бо истифода аз техникаҳои муосири соҳавӣ анҷом дода шуда, зиёда аз 1 км масофаро дар бар мегирад ва бо ин мақсад хароҷоти наздик 280 ҳазор сомонӣ маблағ дар назар дошта шудааст. Раиси ноҳия зимни суҳбат бо сокинон изҳор дошт, ки имрӯзҳо дар тамоми қаламрави ноҳия ба истиқболи 35-солагии Истиқлоли давлатии Ҷумҳурии Тоҷикистон корҳои ободонию созандагӣ, аз ҷумла таъмиру тармими роҳҳои дохилӣ идома дошта, нақши сокинон низ дар ободии сарзамини муқаддасамон назаррас аст. Изҳори боварӣ карда шуд, ки сокинони шарафманди деҳаи Ғазантарак бо дастовардҳои баланди меҳнатӣ ҷашнҳои милливу давлатиро истиқбол гирифта, дар иҷрои бунёдкориҳо минбаъд низ софдилона меҳнат мекунанд. Бояд ёдовар шуд, ки сокинони деҳаи мазкур соли сипаригардида низ бо дастгирии хатмкунандагони соли 1987, сокинону шахсони саховатпеша зиёд аз 2,5 км роҳҳои дохилиро мумфарш намуда буданд. Дафтари матбуоти Раиси ноҳияи Деваштич

Дар арафаи Рӯзи ваҳдати миллӣ бо ибтикори мақомоти иҷроияи ҳокимияти давлатии ноҳияи Деваштич ба кӯдакони эҳтиёҷманд Раиси ноҳияи Деваштич Ашуралӣ Ҷалилзода тӯфаҳои идона тақдим кард. Сараввал Раиси ноҳия кулли кӯдаконро бо фарорасии Рӯзи Ваҳдати миллӣ табрику муборакбод гуфта, барояшон сиҳату саломатӣ, хотирҷамъӣ, дастоварду муваффақият ва хониши хубу аъло таманно намуданд. Дар сӯҳбат бо наврасон роҳбари ноҳия қайд кард, ки дастгирии қишри ниёзманди ҷомеа яке аз самтҳои асосии сиёсати иҷтимоии давлат маҳсуб ёфта, тибқи дастуру супоришҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба қишри ниёзманди ҷомеа мунтазам кӯмак расонида мешавад. Раиси ноҳия аз хонандагон даъват кард, ки бо баҳои аъло таҳсил намуда, забонҳои хориҷиро хуб азхуд кунанд. Дар оянда пайдо намудани роҳи дурусти зиндагӣ маҳз аз таҳсилу ҳунаромӯзии даврони мактабӣ вобаста буда, наврасон бояд аз шароити мусоид пурсамар истифода намоянд. Ҳамзамон Раиси ноҳия зимни тақдими туҳфаҳо аз дастгириҳои давлату Ҳукумат нисбат ба соҳаи маориф ёдовар гардида, ба масъулин барои мунтазам расонидани кумакҳои иҷтимоӣ ба эҳтиёҷмандон дастуру супоришҳо дод. Дафтари матбуоти Раиси ноҳияи Деваштич

Ба ифтихори Рӯзи Ваҳдати миллӣ Раиси вилояти Суғд Раҷаб Аҳмадзода дар ноҳияи Деваштич ба хабаргирии собиқадорони меҳнат рафт. Раҷаб Аҳмадзода аз ҷумла собиқадори меҳнат Ҳикмат Ниёзова ва иштирокчии Иҷлосияи XVI Шӯрои Олии Ҷумҳурии Тоҷикистон Ҳошим Азимовро аёдат карда, фарорасии иди Ваҳдати миллиро барояшон табрик гуфт. Сокини деҳаи Қалъаи Дӯст, Ҳикмат Ниёзова, ки аз соли 1967 ба ҳунармандӣ машғул аст ва даҳҳо шогирд тарбия намудааст, мавриди таваҷҷуҳи роҳбарияти вилоят қарор гирифта, бо туҳфаҳо қадрдонӣ гардид. Номбурда дар суҳбат таъкид дошт, ки меҳнати ҳалол ва ҳунари дастӣ дар ҳама давру замон шахсро ба камол ва иззату эҳтиром мерасонад. Ҳамчунин Ҳошим Азимов, иштирокчии Иҷлосияи XVI Шӯрои Олӣ аз ҷониби роҳбари вилоят бо туҳфаҳои идона қадр карда шуд. Дар суҳбати самимӣ таъкид шуд, ки саҳми собиқадорон дар рушди кишвар муҳим аст ва мардум имрӯз натиҷаи заҳматҳои онҳоро бо чашми сар мебинанд.

Дар ноҳияи Деваштич бо дастгириҳои мақомоти давлатӣ ва саҳмгузории сокинон 22 километр роҳҳои аҳамияти маҳаллӣ мумфарш карда шудааст. Корҳои таъмиру мумфаршкунии кӯчаҳо дар деҳаҳои гуногуни ноҳия идома дошта, дар назар аст, ки даҳҳо километри дигар мумфарш гардад. Раиси вилояти Суғд Раҷаб Аҳмадзода дар маросими оғози мумфаршкунии кӯчаҳои асосии деҳаҳои Басманда ва Қалъаи Дӯсти ноҳияи Деваштич иштирок намуд. Ба иттилои масъулин, кӯчаи марказии деҳаи Басманда ба дарозии 1900 метр ва 800 метр кӯчаи деҳаи Қалъаи Дӯст пурра мумфарш мешавад. Зимни суҳбат бо сокинон роҳбари вилоят таъкид кард, ки ҳама гуна пешрафту созандагӣ маҳсули ваҳдату якпорчагӣ ва сиёсати хирадмандонаи Пешвои миллат муҳтарам Эмомалӣ Раҳмон аст. Аз шаҳрвандон даъват ба амал оварда шуд, ки фарзандони худро дар рӯҳияи ватандӯстӣ тарбия намуда, барои ободонии Ватан саҳмгузор бошанд. Ба ифтихори Рӯзи Ваҳдати миллӣ Раиси вилояти Суғд ба хабаргирии собиқадорони меҳнат, шахсиятҳои фидоӣ ва иштирокчии Иҷлосияи таърихии XVI Шӯрои Олии Ҷумҳурии Тоҷикистон дар ноҳияи Деваштич рафт. Сокини деҳаи Қалъаи Дӯст, Ҳикмат Ниёзова, ки аз соли 1967 ба ҳунармандӣ машғул аст ва даҳҳо шогирд тарбия намудааст, мавриди таваҷҷуҳи роҳбарияти вилоят қарор гирифта, бо туҳфаҳо қадрдонӣ гардид. Номбурда дар суҳбат таъкид дошт, ки меҳнати ҳалол ва ҳунари дастӣ дар ҳама давру замон шахсро ба камол ва иззату эҳтиром…

Ҳамдиёрони азиз! Фарорасии Рӯзи Ваҳдати миллиро аз самими қалб ба сокинони сарбаланди ноҳия табрику таҳният мегӯям. Иди Ваҳдати миллӣ зодаи даврони истиқлолият буда, дар тақвими миллати куҳанбунёди тоҷик ҳамчун рӯзи пирӯзӣ бар қувваҳои ҷудоихоҳ ва оғози марҳалаи нави таърихӣ таҷлил мегардад, зеро ваҳдати миллӣ хавфи пароканда шудани миллат ва аз байн рафтани давлати ҷавони тоҷиконро ба таври воқеӣ пешгирӣ намуд. Қайд намудан бамаврид аст, ки бисту ҳашт сол пеш дар ҳамин рӯз тавассути заҳматҳои беназири фарзанди некному сарсупурдаи миллат, Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми ҷафодидаи тоҷик ба рӯзҳои неку шодӣ расид ва дар кишвар фазои орому осуда, сулҳу оромӣ танинандоз гардид. Вобаста ба ин миллати бузургу некноми тоҷик, ки борҳо аз имтиҳону санҷишҳои сангини таърих сарбаландона гузаштааст, ба оламиён собит намуд, ки тору пуди ин миллат аз меҳру шафқат, сулҳдӯстӣ ва инсонпарварӣ сиришта шудааст, ҳеҷ гоҳ тарафдори ҷангу хунрезӣ қатлу ғорат набуду нест. Пас аз вохӯрию талошҳои зиёд 27-июни соли 1997 дар шаҳри Москва созишномаи истиқрори сулҳ ва ризоияти миллӣ ба имзо расид ва он рӯз дар таърихи миллат ҳамчун рӯзи наҷоти тоҷикон – Рӯзи Ваҳдати миллӣ бо хатҳои заррин сабт гардид. Баъд аз имзои созишномаи умумии истиқрори сулҳ ва ризоияти миллӣ…

Дар доираи нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон дар шаҳру навоҳии вилояти Суғд корҳои созандагӣ бо маром идома доранд. Зимни сафари корӣ ба ноҳияи Деваштич Раиси вилояти Суғд Раҷаб Аҳмадзода аз рафти сохтмони як қатор иншооти ҷашнӣ боздид ба амал овард. Айни замон дар ноҳия бунёди бинои нави Кумитаи иҷроияи ҲХДТ, иншооти соҳаҳои маорифу тандурустӣ, хатҳои оби полезиву нӯшокӣ ва дигар тадбирҳои ободонӣ бо суръат идома доранд. Корҳои созандагиро метавон дар тамоми ҷамоатҳои ноҳия, ҳатто дурдасттарин деҳаву маҳаллаҳо мушоҳида кард. Сокинон дар ҳамбастагӣ баҳри ободии Ватан саҳм мегузоранд. Дар Ҷамоати деҳоти Муҷун сохтмони бинои нави муассисаи таълимӣ бо ташаббуси сокинон дар пайравӣ ба иқдомҳои созандаи Пешвои миллат муҳтарам Эмомалӣ Раҳмон тариқи ҳашар оғоз гардидааст. Дар деҳаи Қалъаи Дӯст бошад, сохтмони бинои нави Маркази саломатӣ идома дошта, бо мавриди истифода қарор гирифтани он беш аз 6700 нафар аҳолӣ аз хизматрасонии беҳтари тиббӣ бархӯрдор хоҳанд шуд. Саҳми соҳибкорон дар ин раванд шоиста мебошад. Ҳамзамон, Раиси вилоят бо ҷараёни сохтмони коргоҳи пойафзолдӯзии ҶДММ “Раҳматулло” шинос шуд. Гуфта шуд, ки бо ба фаъолият шурӯъ намудани коргоҳ то 50 нафар бо ҷои кори доимӣ таъмин мегарданд. Ба истиқболи ҷашни Истиқлоли давлатӣ дар ноҳияи Деваштич сохтмон, таъмир ва навсозии 583 иншоот ба нақша…

Субҳи 6 июн мардуми сарбаланди ноҳияи Деваштич бо шукргузорӣ аз сулҳу амният ва оромию осоиштагии кишвар дар масҷиди ҷомеаи ноҳия намози Иди Қурбонро хонданд. Раиси ноҳияи Деваштич Ашуралӣ Ҷалилзода ва намояндаи Мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Бахтиёр Исматзода ба масҷиди ҷомеи марказии Абӯбакри Сиддиқи ноҳия ташриф оварда, кулли сокинони ноҳияро бо муносибати Иди Қурбон табрик намуд. Зимни суханронӣ Раиси ноҳия Ашуралӣ Ҷалилзода таъкид дошт, ки иди Қурбон ҳамасола дар кишвари соҳибистиқлоли мо бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва шарофати озодиву соҳибистиқлолии Ватани маҳбубамон таҷлил мегардад. Яке аз фазилатҳои неки иди Қурбон ин анҷом додани амалҳои неку писандида, дастгирии якдигар, таҳаммулпазирӣ, ба ятимону маъюбон, камбизоатону дармондагон ва муҳтоҷон кўмак намудан волотарин арзишҳои дини мубини ислом ва беҳтарин фазилатҳои инсонӣ ба ҳисоб меравад. Ҳар касе, ки бештар некӣ намуда, бахшишу эҳсон мекунад ва дасти ятимону бепарасторонро мегирад, бешак рисолати олии инсониро ба ҷо меоварад. Бинобар ин, чунонки Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон таъкид намуданд, моро зарур аст, ки беш аз ҳар вақти дигар сарҷамъу муттаҳид бошем, аҳлонаву софдилона меҳнат кунем, муҳимтар аз ҳама, дар чунин шароит ҳимматбаланд бошем, амалҳои…

Ҳамдиёрони азиз! Боиси сарфарозист, ки ҳамасола яке аз суннатҳои волою арзишманди мусулмонон ҷашни мубораки Иди Қурбон дар саросари кишвари азизамон таҷлил карда мешавад. Мардум бо арҷгузории Иди шарифи Қурбон аз даргоҳи илоҳӣ руҳи гузаштагони худро бо дуову дуруд ёд мекунанд. Бояд қайд намуд, ки дар ин рўз талқини арзишҳои инсондўстиву инсонпарварӣ, дастгирии ятимону маъюбон, беморону пиронсолон, аёдати хешу ақрабо, поси хотири гузаштагон, изҳори ҳамдардӣ ба азодорон ва хайру саховат ба дармондагону эҳтиёҷмандон амалӣ мегардад, ки аз сифатҳои беҳтарини инсонӣ мебошад. Ин ҳама ба таҳкими меҳру муҳаббат ва рафоқат дар байни табақаҳои гуногуни ҷомеа боис мегарданд. Таҷлили Иди Қурбон барои мусулмонон рўзи имтиҳону озмоиш буда, инсон саҳифаҳои сарнавишти худро варақгардон мекунад, аъмоли хешро дар мизони адлу инсоф бармекашад ва муҳимтар аз ҳама арзишҳои баланди мактаби одамият ва ғояҳои олии фарҳанги умумиинсониро ба мардум таблиғу ташвиқ менамояд. Дар шароити кунунии ҷаҳони муосир, мутаассифона дар баъзе кишварҳо дини мубини исломро сарчашмаи ҳар гуна хушунату зўровариҳо меҳисобанд. Аз ин рў, вазъи ҳассоси ҷаҳони имрўза моро водор месозад, ки зиракии сиёсӣ, нангу номуси миллӣ, ҳисси баланди ватандўстиву ватанпарастӣ, худшиносию ҷаҳоншиносӣ ва ифтихори миллии худро аз даст надиҳем. Дар баробари ин нагузорем, ки ғояҳои зўроварӣ, ақидаҳои ифротӣ, ҷудоиандозию нифоқангезӣ дар кадом шакле набошад, зиндагии ором ва…

5 июни соли 2025 бахшида ба Рӯзи байналмилалии ҳифзи муҳити зист муовини якуми раиси ноҳия Умар Маҳмадёрзода кормандони бахши ҳифзи муҳити зисти ноҳияро аз номи Раиси ноҳияи муҳтарам Ашуралӣ Ҷалилзода бо иди касбияшон табрику муборкбод намуда дар фаъолияташон пирӯзиву муваффақият ва зиндагии шоиставу пурнишот орзу намуд.       Таъкид гардид, ки таъмини амнияти экологии ҷомеа яке аз масъалаҳои муҳими умумибашарӣ ба ҳисоб рафта, дар сатҳи ҷаҳонӣ таҷлил намудани Рӯзи байналмилалии муҳити зист воситаи беҳтарини ҷалб намудани таваҷҷуҳи аҳли башар ба масоили экологӣ мебошад.   Боиси таъкид аст, ки Ҷумҳурии Тоҷикистон ҳамчун як ҷузъи ҷомеаи ҷаҳонӣ ва узви конвенсияҳои Созмони Милали Муттаҳид оид ба масъалаҳои экологӣ ба муаммоҳои ҳифзу ҳимояи муҳити зист таваҷҷуҳи хоса зоҳир менамояд. Бахусус, дар даврони истиқлоли давлатӣ таҳти роҳбарии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҷумҳурии Тоҷикистон бо пешниҳоди мушаххаси марбут ба масъалаҳои муҳити зист дар байни кишварҳои ҷаҳон обрӯву нуфузи баландро соҳиб шудааст.   Муовини якуми Раис ноҳия зимни сухарони худ иброз дошт, ки аз ҷониби ҷомеаи ҷаҳонӣ ҳамаҷониба дастгирӣ ёфтани ташаббусҳои наҷибонаи Пешвои муаззами миллат оид ба эълон намудани соли 2025 «Соли байналмилалии ҳифзи пиряхҳо» ва 21-уми март ҳамчун «Рӯзи ҷаҳонии пиряхҳо» баёнгари таваҷҷуҳи давлату Ҳукумати кишвар…

  Ҳамасола санаи 5 июн дар кишвари мо – Тоҷикистони соҳибистиқлол ва кулли кишварҳои олам Рӯзи байналмилалии муҳити зист ботантана таҷлил гардида, ба масъалаҳои соҳаи ҳифзи табиат, аз ҷумла поку беолоиш нигоҳ доштани муҳит, ҳифзу ҳимоя намудани сарватҳои табиӣ ва дар маҷмуъ, таъмини амнияти экологӣ таваҷҷуҳи махсус зоҳир карда мешавад.   Боиси таъкид аст, ки Ҷумҳурии Тоҷикистон ҳамчун як ҷузъи ҷомеаи ҷаҳонӣ ба конвенсияҳои Созмони Милали Муттаҳид оид ба масъалаҳои экологӣ пазируфта шуда, давоми солҳои соҳибистиқлолӣ бо пешниҳодҳои мушаххас вобаста ба ҳалли масъалаҳои муҳити зист дар байни кишварҳои ҷаҳон обрӯву нуфузи баландро соҳиб гардидааст. Махсусан, аз ҷониби ҷомеаи ҷаҳонӣ дастгирии ҳамаҷониба ёфтани ташаббусҳои наҷибонаи Пешвои муаззами миллат муҳтарам Эмомалӣ Раҳмон оид ба эълон гардидани Даҳсолаи байналмилалии амал «Об барои рушди устувор, солҳои 2018-2028» баёнгари таваҷҷуҳ ба масъалаҳои муҳими умумибашарӣ дар ҳалли муаммоҳои сатҳи ҷаҳонӣ ба ҳисоб меравад.   Қайд кардан бамаврид аст, ки дар замони имрӯза афзоиш ёфтани шумораи аҳолии сайёраи Замин ва зиёд гардидани талабот ба маводи ғизоӣ инсониятро водор месозад, ки ба масъалаи оқилона истифода бурдани сарватҳои табиӣ, аз ҷумла об, хок ва олами наботот аҳамияти бештар зоҳир намояд. Аз тарафи дигар, баланд бардоштани маърифати экологии аҳолӣ аз муҳимтарин роҳҳои таъмини зиндагии шоистаи инсон буда, боло рафтани маърифати…