Терроризм – доғе дар ҷомеаи ҷаҳонӣ
-Имрӯз терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст.”
Оре. Бешак, инсоният дар асри ХХI ба зуҳуроти хатарҳое мубтало шудааст, ки барои аз байн бурдан ва решакан намудани онҳо ҷомеаи ҷаҳонӣ бояд дар якҷоягӣ мубориза баранд ва сайёраизаминро аз ифротгароён поксозӣ намоянд.
Терроризм, мутаассифона, дар минтақаҳои гуногун, хоса Ховари Миёна, Афғонистон, Покистон ва ҳатто Аврупо доман зада, хатари бузурги иҷтимоӣ – сиёсиро барои амнияти кишварҳо эҷод кардааст. Чунон ки дар боло зикр шуд, ифротгароӣ ва терроризм дар ибтидо асосҳои маънавии ҷомеаро хамроҳ менамояд. Ин зуҳурот бо амалҳои ғайриинсониашон дар соҳаҳои мухталиф, аз ҷумла дин, фарҳанг, расму ойин, сиёсат, илм, фарҳанг ва идеология таъсири манфӣ мегузаронад. Мавриди зикр аст, ки дар таблиғу ташвиқи ақидаҳои ифротӣ ташкилотҳои махсуси хориҷӣ дар минтақа манфиатдоранд. Онҳо ин андешаҳои нопокро бештар миёни ҷавонони тиҳимағзу беҳуввият, ки ба қавле, дeстро аз душман фарқ намекунанд, мехоҳанд интишор намоянд ва эшонро ба доми хеш афкананд.
Дар холи ҳозир гурeҳҳои террористии ба ном «Давлати Исломӣ» (ДИИШ), «Толибон», «Боко – ҳарам», «Ал- Қоида», «Ҳизб-ут – таҳрир», ва ғайра дар амал мебошанд, ки бо ғаразҳои нопокашон ҷаҳонро ба хатари ҷиддӣ кашиданд. Вазифаи муқаддаси ҳар як волидайн ва омӯзгору ҷомеа дар Тоҷикистон ин аст, ки дар ҳифзи арзишҳои миллӣ ва марзу буми Ватани азиз, ки исмаш Тоҷикистон аст, мубориз бошанд. Бешак, агар дар ин росто дар якxоягӣ содиқона пушти амалҳои хайр бошем, даст ба ҳам додаву коми насли наврас ва ҷавонро аз илм ва маърифату аҳлоқ сероб намоем, он гоҳ бо боварӣ метавонем гуфт, ки ҳеҷ сиёҳкоре наметавонад иродаи матини моро бишканад.
Гулноза Оқилова, омӯзгори МТМУ № 10
Шарҳ нест